(593) SOUS LE RÈGNE DE CHARLES VI. 353

execucion, et affin que sa marchandise et son mariage en soient meilleurs.

Item, je laisse à maistre Adam, mon nepveu, la somme de cinquante frans pour l'aider à tenir à l'escolie jusques ad ce que sa mere et autres amis aient autrement pourveu, et- s'il veult estre medecin, je lui laisse mes livres de medecine qui furent à feu maistre Richart, mon frere, lesquelz seront trouvez sur le banc en ma chambre de derriere qui est au droit de l'uis, comme on y entre, et s'il a plus chier à estre decre-tiste, je lui laisse mes Decretales, mon Siziesme, mes Clémentines et mon Decret tout glosez.

Item, à la chappelle frere Gilbert Pouchet je laisse dix frans pour aider à parfaire ce qui lui plaira faire, et si y laisse ung de mes tableaux pasqueaulx, c'est assavoir, le plus tenu, quar le plus espoix si est pour l'eglise de Rouen et leur ay donné pieça, mais on n'a pas trouvé pour les guerres et discensions personne qui s'en voulsist charger de le porter.

Item, je laisse aux quatre freres et au commandeur de ceans cent soulz, pour avoir une messe et estre en leurs prieres.

Item, selon ce que mes executeurs verront que mes biens pourront fournir à parfaire mon execucion, je leur donne plain povoir de croistre ou appetichier ce present testament, et rescinder à un chascun aucune quotité selon sa porcion.

Item, leur donne plein povoir de distribuer mes livres en françois à un chascun de mes freres et seurs, tel comme il plaira à mes executeurs, et si leur donne puissance de croistre ou appetichier ce present testament, et fais mes executeurs Guillaume de Baudribosc, maistre en ars et bacheler en theologie, Estiennot de Baudribosc, Jehan de Baudribosc, mes freres, et Jehan de Bresmes qui a espousé ma seur, et veu! que le dit maistre Guillaume de Baudribosc et Estiennot de Baudribosc, mes freres, soient principaulx executeurs, et que ilz soient tousjours presens, se faire se puet, et ou cas que faire ne se pourroit, et que les deux ne peussent estre presens ensemble, et le dit maistre Guillaume estoit present, soit principal, et ou cas qu'il ne pourroit estre present,



	(593) SOUS LE RÈGNE DE CHARLES VI. 353 execucion, et affin que sa marchandise et son mariage en soient meilleurs. Item, je laisse à maistre Adam, mon nepveu, la somme de cinquante frans pour l'aider à tenir à l'escolie jusques ad ce que sa mere et autres amis aient autrement pourveu, et- s'il veult estre medecin, je lui laisse mes livres de medecine qui furent à feu maistre Richart, mon frere, lesquelz seront trouvez sur le banc en ma chambre de derriere qui est au droit de l'uis, comme on y entre, et s'il a plus chier à estre decre-tiste, je lui laisse mes Decretales, mon Siziesme, mes Clémentines et mon Decret tout glosez. Item, à la chappelle frere Gilbert Pouchet je laisse dix frans pour aider à parfaire ce qui lui plaira faire, et si y laisse ung de mes tableaux pasqueaulx, c'est assavoir, le plus tenu, quar le plus espoix si est pour l'eglise de Rouen et leur ay donné pieça, mais on n'a pas trouvé pour les guerres et discensions personne qui s'en voulsist charger de le porter. Item, je laisse aux quatre freres et au commandeur de ceans cent soulz, pour avoir une messe et estre en leurs prieres. Item, selon ce que mes executeurs verront que mes biens pourront fournir à parfaire mon execucion, je leur donne plain povoir de croistre ou appetichier ce present testament, et rescinder à un chascun aucune quotité selon sa porcion. Item, leur donne plein povoir de distribuer mes livres en françois à un chascun de mes freres et seurs, tel comme il plaira à mes executeurs, et si leur donne puissance de croistre ou appetichier ce present testament, et fais mes executeurs Guillaume de Baudribosc, maistre en ars et bacheler en theologie, Estiennot de Baudribosc, Jehan de Baudribosc, mes freres, et Jehan de Bresmes qui a espousé ma seur, et veu! que le dit maistre Guillaume de Baudribosc et Estiennot de Baudribosc, mes freres, soient principaulx executeurs, et que ilz soient tousjours presens, se faire se puet, et ou cas que faire ne se pourroit, et que les deux ne peussent estre presens ensemble, et le dit maistre Guillaume estoit present, soit principal, et ou cas qu'il ne pourroit estre present, 45